Journey of Software Part 2 தான் என்னோட அடுத்த பதிவா இருக்கும் என்று நினைத்தேன் . ஆனா இந்த "Book of Eli" படம் அதை மாற்றிவிட்டது.
Denzel லின் நிறைய படங்கள் பார்த்திருந்தாலும் இந்த படம் ஏனோ மனதில் ஒட்டிகொண்டுவிட்டது. கதை இது தான்.உலக போரினால் Ozone ல் ஓட்டை விழ, அதை தொடர்ந்து சூரியனின் தீங்கு விளைவிக்கும் கதிர்கள் பூமியில் விழ, உலகமே எரிந்து அழிந்து போய்விடுகிறது ( இந்த flashback எல்லாம் ஒரே வரியில் தான். அதுவும் படம் முடியும் தருவாயில் தான்) . அந்த அபாயத்தில இருந்து தப்பி பிழைத்தவர்கள் மிஞ்சிய உணவு மற்றும் மிஞ்சிய பொருட்கள் வைத்து ஜீவன் நடத்தி வருகிறார்கள். எல்லோரும் Sun Glasses போட்டு கொண்டுதான் வீதியில் உலவுகிறார்கள். நீர் வளமே இல்லாமல் போய்விடுகிறது. நம் கதாநாயகன் மேற்கு நோக்கி பயணிக்கிறார். வரும் வழியில் கிடைத்ததை சாப்பிட்டு, ஓரளவுக்கு நல்ல நிலைமையில் இருக்கும் பொருட்களை சேகரித்து கொண்டே பயணிக்கிறார். இரவு படுப்பதற்கு முன் தவறாமல் MP3 player ல் பாட்டு கேட்கிறார்.ஒரே புத்தகத்தை படிக்கிறார். இப்படியாக ஒரு சிறிய town ஐ அடைகிறார். அந்த ஊரின் தலைவன் ஒரு புத்தகத்தை தேடி அலைகிறான். அந்த புத்தகம் கிடைத்தால் அதை வைத்து மிஞ்சியுள்ள மக்களை தன் வழி படுத்தமுடியும் என்று நினைக்கிறான். அந்த புத்தகத்தை தேடுவதற்காகவே ஒரு ரவுடி கும்பலை வளர்த்து வருகிறான். அந்த ஊரில் மட்டும் நல்ல தண்ணீர் கிடைகிறது. அது எங்கு கிடைக்கும் என தலைவனுக்கும் அவன் Mistress இன் (தமிழ்ல Mistress க்கு decent translation என்ன?) பெண்ணான Solara விற்கு மட்டுமே தெரியும். அந்த ஊரிலேயே Eli தன் Mp3 பிளேயர் இன் பாட்டரி யை சார்ஜ் செய்ய கொடுத்துவிட்டு, தலைவன் நடத்தும் விடுதியில் தண்ணீர் வாங்க நுழைகிறான். விடுதியில் உள்ள சில முரட்டு தடியன்களுடன் ஏற்படும் மோதலில் வெல்கிறார். இதை கேள்விப்பட்ட ஊர் தலைவன் தன்னுடன் சேர்ந்து விடும்படி அழைப்பு விடுகிறான். மறுத்து தான் பயணத்தை தொடரமுற்படும் Eli யை அந்த இரவையாவது அங்கு தன் விருந்தினராக தங்கிவிட்டு போகும்படி கேட்டுகொள்கிறான். "புத்தகம் படிக்கும் பழக்கம் உண்டா?" என வினவுகிறான். Eli , "நான் தினமும் தவறாது படிப்பேன்" என்கிறார். அன்று இரவு அங்கேயே தங்குகிறான்.
ஊர் தலைவன், Eli பற்றியும் அவன் படிக்கும் புத்தகத்தை பற்றியும் தெரிந்து கொள்ள Solara வை அவன் அறைக்கு அனுப்புகிறான். Eli, Solara வை அறையை விட்டு போகும்படி கூறுகிறான். சொலராவோ "தயவுசெய்து என்னை அனுப்பி விடாதீர்கள் ஊர் தலைவன் என்னையும் என் தாயையும் கொடுமை படுத்துவான்" என்று கெஞ்சுகிறாள். மனமிரங்கிய Eli, தனக்கு அளிக்கப்பட்ட சாப்பாட்டை Solara வுடன் பகிர்ந்து கொள்கிறான். உணவிற்கு முன் ஒரு ஜெபம் செய்கிறான். Solara, நீ எங்கிருந்து இதை கற்றுக்கொண்டாய் புத்தகதிலிருந்தா? எனக்கு அந்த புத்தகத்தை காண்பிப்பாயா என கேட்கிறாள். மறுக்கும் Eli, அந்த புத்தகத்தை அவளிடமிருந்து பிடுங்கி தான் பைக்குள் வைக்கிறான்.
மறுநாள் தலைவன் Solara விடம் Eli யை பற்றி கேட்கிறான். சொலரவோ தனக்கு எதுவும் தெரியாது என்றும் அவன் அவளிடம் பேசவேஇல்லை என்றும் சொல்கிறாள். அந்நேரத்தில் உணவு பறிமாறப்பட, சொலார, தன் தாயின் கைகளை பற்றி, Eli சொன்ன ஜெபத்தை சொல்கிறாள். ஆத்திரம் கொண்ட ஊர் தலைவன் சொலரவையும் அவள் தாயையும் அடித்து, சொல்றவிடம் "அவன் ஏதும் புத்தகங்கள் வைத்திருந்தானா என கேட்கிறான். சொலார, அழுது கொண்டே ஆமாம் என சொல்கிறாள். என்ன புத்தகம், எப்படி இருந்தது என தலைவன் கேட்க, தன் கைகளை சிலுவை போல் வைத்து காட்டுகிறாள்.
அது தான் நான் தேடும் புத்தகம் என்று உணர்ந்த ஊர் தலைவன் Eli யை அழைத்து வர சொல்கிறான். அவன் வீட்டில் இருந்து தப்பித்த Eli, தன் Mp3 Player ரின் Battery யை வாங்க செல்கிறான். ஊர் தலைவனும் அவன் ஆட்களும் Eli யை சுற்றி வளைக்க, அந்த புத்தகத்தை தன்னிடம் ஒப்படைத்து விடும்படியும் , தன் அதை வைத்து மக்களுக்கு நல்லது செய்யபோகிறேன் என்றும் கூறுகிறான். Eli யோ "கண்டிப்பாக அப்படி ஒரு இடத்தில் தன் அந்த புத்தகத்தை ஒப்படைக்க போவதாகவும், ஆனால் அந்த இடம் இது இல்லை என்றும் கூறுகிறான். அங்கு நடக்கும் சண்டையில் Eli தப்பி மேற்கு நோக்கிய தன் பயணத்தை தொடர்கிறான். சொலரவும் அவனுடன் இணைந்து கொள்கிறாள். முதலில் மறுக்கும் Eli பின்பு அவளை தன்னுடன் சேர்த்துகொள்கிறான் . வழியில் இருவரும் ஒரு வயதான தம்பதியர் வீட்டில் தங்குகின்றனர். Eli யை பின் தொடர்ந்து வரும் ஊர் தலைவன், நவீன ஆயுதங்களை கொண்டு Eli யை வீழ்த்தி விட்டு சொலார வுடனும் அந்த புத்தகத்துடனும் தன் ஊருக்கு திரும்பி வருகிறான். பாதி வழியில் சொலார தப்பி Eli யை தேடி வருகிறாள்.மோசமான காயங்களுடன் இருக்கும் Eli, மேற்கே செல்ல வேண்டும் என்று கூறுகிறான்.
இருவரும் முடிவில் ஒரு தண்ணீரின் மத்தியில் உள்ள குன்றின் மேலுள்ள கோட்டையை அடைகிறார்கள். அங்கிருக்கும் காவலர்களிடம் "King James" இன் பைபிள் தன்னிடம் இருப்பதாக கூறுகிறான். இதற்குள், தன் ஊர் திரும்பிய தலைவன் அந்த புத்தகத்தை திறக்க முடியாமல், மிகவும் கஷ்டப்பட்டு பூட்டை உடைக்கிறான். ஆசையுடன் புத்தகத்தை பிரிக்கும் அவனுக்கு அதிர்ச்சி. அந்த பைபிள் ஒரு Brailey version . கண்தெரியாத Eli மேற்கே அந்த அச்சு கூடம் வைத்திற்பவரிடம் பைபிளை dictate செய்கிறான். முடிவில் இறந்தும் போகிறான். சொலார தன் தோழன் Eli யின் நினைவை சுமந்தபடி தன் ஊர் திரும்புகிறாள்.
எனக்கு படத்தில் என்ன பிடித்தது என சொல்ல தெரியவில்லை ஆனால் படம் பார்த்து ரொம்ப நேரம் அதன் பாதிப்பு இருந்தது என்னவோ உண்மை. நீங்களும் பாத்துட்டு சொல்லுங்க படம் எப்டின்னு?
